FA-022. FLAC သို့မဟုတ့် high def MP3 အကြောင်း သိထားသင့်သမျှ

၁၉၉၀ ခုနှစ်များရဲ့နောက်ပိုင်းမှာ MP3 ဟာမူရင်း portable music file format များထဲက တစ်ခုဖြစ်ခဲ့ပါတယ်။ MP3 ရဲ့ကျော်ကြားမှုဟာ Napster sharing ဆိုက်ကြောင့် pirate format တစ်ခုဖြစ်သည်အထိ ကျော်ကြားခဲ့ပါတယ်။ MP3 ကို အရည်အသွေးမြင့် သီချင်းများအတွက် အကောင်းဆုံး ရွေးချယ်စရာတစ်ခုအနေနဲ့ ကျယ်ကျယ်ပြန့်ပြန့် အသုံးပြုလာတဲ့နောက်မှာတော့ ၎င်းရဲ့ လူကြိုက်များမှုဟာ ပိုမိုမြင့်တက်ခဲ့ပါတယ်။ FLAC ဆိုတာကတော့ music file format တစ်ခုဖြစ်ပါတယ်။ စီဒီတွေကို ကူးယူရာမှာ အရွယ်အစားတစ်ဝက်ခန့်ကို အကောင်းဆုံး အရည်အသွေးနဲ့ ကူးယူပေးနိုင်ပါတယ်။ ၎င်းကို app တစ်ခုနဲ့သုံးနိုင်တဲ့ iPhone အပါအ၀င် ဖုန်းများ၊ MP3 player များနဲ့ hi-fi စက်တွေမှာ အသုံးပြုနိုင်ပါတယ်။ အွန်လိုင်းစတိုးများမှ ၀ယ်ယူရာမှာလည်း MP3 ဈေးနှုန်းအတိုင်း ၀ယ်ယူနိုင်ပြီး အသံအရည်အသွေးကလည်း ပိုမိုကောင်းမွန်ပါတယ်။

- FLAC ဆိုတာဘာလဲ

FLAC ဟာ Free Lossiess Audio Codec ကို အတိုကောက် ခေါ်ဆိုထားတာပါ။ MP3 နဲ့ဆင်တူတဲ့ audio format တစ်ခုဖြစ်ပြီး အသံကို FLAC နဲ့ compress လုပ်တဲ့အခါမှာ အရည်အသွေး လျော့ကျသွားခြင်းမရှိဘဲ compress လုပ်ဆောင်မှုကို ပိုမိုကောင်းမွန်စွာ လုပ်ဆောင်နိုင်တဲ့ lossless audio format တစ်ခုဖြစ်ပါတယ်။ ၂၀၁၁ ခုနှစ်မှာ open-source အနေနဲ့ ပထမဦးဆုံး ပေါ်ထွက်လာခဲ့တာဖြစ်ပြီး အဲဒီအချိန်မှာပဲ Apple Lossless (ALAC), Microsoft WAV (Waveform Audio Format) နဲ့ WMA Lossless တို့အပါအ၀င် lossless format များလည်း ထွက်ပေါ်လာခဲ့ပါတယ်။ ဒါပေမဲ့ အဆိုပါပြိုင်ဘက် format များမှာ အားနည်းချက်များရှိပါတယ်။ ALAC ကို iPod နဲ့ iPhone ထုတ်ကုန်များပေါ်မှာ အသုံးပြုသော်လည်း Apple မဟုတ်သည့် အမှတ်တံဆိပ်များတွင်မူ အသုံးပြုနိုင်ခြင်း မရှိပေ။ WAV format မှာ နာမည်ကျော်ပြီး iOS ထုတ်ကုန်များနှင့် တွဲဖက်အသုံးပြု နိုင်သော်လည်း ဖိုင်အရွယ်အစား ကြီးမားမှုမှာ အဓိကပြဿနာ ဖြစ်သလို အခြား format များတွင်ပါဝင်သည့် အဆိုတော်အမည်၊ အယ်လ်ဘမ်အမည်၊ သီချင်းစာသားစသည့် "tag" အချက်အလက်များမှာလည်း WAV တွင်ပါဝင်ခြင်းမရှိပေ။

- MP3 နှင့် FLAC အကြားခြားနားချက်

MP3 ဟာ lossy format ဖြစ်တဲ့အတွက် ဖိုင်အရွယ်အစား လျှော့ချတဲ့အခါမှာ သီချင်းရဲ့အရည်အသွေးကိုပါ လျော့ကျစေပါတယ်။ FLAC ကတော့ စီဒီအရည်အသွေးနဲ့ အရည်အသွေးမြင့် သီချင်းတွေကို လွှဲပြောင်းပေးနိုင်ပြီး MP3 လိုမျိုး အသံနဲ့သက်ဆိုင်တဲ့ ပြဿနာတွေလည်း မရှိပါဘူး။ FLAC ဟာ lossless format ဖြစ်ပြီး
ZIP ဖိုင်တစ်ခုနဲ့ ပိုမိုဆင်တူပါတယ်။ Hi-Fi အသုံးအနှုန်းနဲ့ဆိုရရင်တော့ MP3 ဟာ လူသုံးမများတော့တဲ့ MiniDisc format ဖြစ်ပြီး FLAC ကတော့ CD format ဖြစ်ပါတယ်။ FLAC ဖိုင်များကို CD format CDA နဲ့ WAV တို့ဖြင့် နှိုင်းယှဉ်ရာတွင် FLAC နေရာယူမှုနည်းပြီး အဆိုပါ format များရဲ့ ထက်ဝက်နီးပါးခန့်သာရှိပါတယ်။ ဒါပေမဲ့ FLAC ဟာ MP3 ထက် နေရာယူမှု ခြောက်ဆပိုမိုပေမယ့် အချက်အလက်များ ပါဝင်ခြင်းနဲ့ အသံအရည်အသွေး မြှင့်ပေးခြင်း စတဲ့ အကျိုးကျေးဇူးတွေကို ရရှိစေပါတယ်။

- FLAC ဖိုင်တွေကို ဘယ်ကရနိုင်လဲ

FLAC ဖိုင်တွေကို CD ကို rip လုပ်ခြင်းနဲ့ ဒီဂျစ်တယ်စတိုးကနေ ၀ယ်ယူခြင်းစတဲ့ နည်းလမ်းနှစ်မျိုးနဲ့ ရရှိနိုင်ပါတယ်။ FLAC ဖိုင်တွေကို ၀ယ်ယူနိုင်မယ့် နာမည်ကျော်ဆိုက်ငါးခုကတော့ HDtracks.com, bandcamp.com, mergerecords.com, beggarsgroupusa.com နဲ့ linnrecords.com တို့ဖြစ်ပါတယ်။

- FLAC ဖိုင်တွေကို ဘယ်လိုဖွင့်ရမလဲ

iOS FLAC ကို Apple iPhone နဲ့အခြား iOS ထုတ်ကုန်တွေမှာ အပြည့်အ၀ အထောက်အပံ့ မပေးထားပေမယ့် iTunes Store ပေါ်က Media-Connect, FLAC Player နဲ့ Capriccio တို့လို app တွေနဲ့ ဖွင့်နိုင်ပါတယ်။ ၎င်း app တွေဟာ FLAC ကို အထောက်အပံ့ပေးပြီး AirPlay နဲ့ကွန်ရက်ပေါ်ရှိ DLNA ထုတ်ကုန်များအကြား stream လုပ်ပေးနိုင်ပါတယ်။

- Android

Android အသုံးပြုသူများအနေနဲ့ကတော့ FLAC အထောက်အပံ့နဲ့ပတ်သက်ပြီး စိုးရိမ်ပူပန်စရာ မလိုပါဘူး။ Android 3.1 (Honeycomb) ကနေစပြီး FLAC ကို အထောက်အပံ့ပေးထားပါတယ်။ ယခင် ဗားရှင်းအဟောင်းများကို အသုံးပြုနေတယ်ဆိုရင်တောင်မှ HTC နဲ့ Samsung တို့လို ထုတ်ကုန်များရဲ့ media player တွေမှာ FLAC အထောက်အပံ့ ပေးထားတဲ့အတွက် ပူစရာမလိုပါဘူး။ ဒါမှမဟုတ် Google Play ကနေ Player Pro နဲ့ Bubble Upnp တို့လို app တွေနဲ့လည်း ဖွင့်နိုင်ပါသေးတယ်။

- Windows/Mac

Windows အသုံးပြုသူများအနေနဲ့လည်း FLAC ဖိုင်များကို Windows Media plug-in ကနေတစ်ဆင့် နားဆင်နိုင်သလို Media Money နဲ့ JRiver တို့လို ဆော့ဖ်ဝဲတွေနဲ့လည်း နားဆင်နိုင်ပါတယ်။ Mac အသုံးပြုသူများ အနေနဲ့ကတော့ Fluke (http://code.google.com/p/flukeformac) ကို download လုပ်ပြီး သုံးနိုင်ပါတယ်။ ၎င်းမှာ iTunes နဲ့ Songbird အတွက် FLAC အထောက်အပံ့ ပါဝင်ပါတယ်။

- အခြား hardware များ

Samsung Galaxy Player နဲ့ Sony NWZ-Z1040 တို့အပါအ၀င် Android MP3 Player များမှာ FLAC ကို အထောက်အပံ့ပေးထားပါတယ်။ ဒါ့အပြင် Creative Zen Player အများစုမှာလည်း FLAC ကို အထောက်အပံ့ ပေးထားပါတယ်။ FLAC ကိုအထောက်အပံ့ပေးတဲ့ အကောင်းဆုံး player များကတော့ Samsung Galaxy Player 4.2, SanDisk Sansa Clip Zip, Iriver P7, Iriver LPlayer နဲ့ Sony Walkman F800 တို့ဖြစ်ပါတယ်။ ဒါ့အပြင် Panasoic ရဲ့ DMP-BDT220 Blu-ray player နဲ့ Logitech Squeezebox နေရာမှာ အစားထိုးထုတ်လုပ်ထားတဲ့ Smart Radio လိုမျိုး Hi-Fi စနစ်တွေမှာလည်း FLAC အထောက်အပံ့ ပါဝင်ပါတယ်။